لعبة الأمثال شعبية

اليوم جاي وحامل معي لعبة كثير حلوة ... إعتبروها تسلية ... ثقافة .... معلومات عامة .... طريقة تواصل بين الأعضاء ... كيف ما نحسبها ماشي الحال

اللعبة هي لعبة الأمثال الشعبية ... ورح نمشي بطريقة متسلسلة وفقاً لحروف الأبجدية

أنا بضيف مثل ببدأ بحرف الألف واللي بعدي بضيف مثل ببدأ بحرف الباء وهكذا

اتفقنا

أنا أول واحد وببدأ بأول مثل ( أ )

" إعط الخبر لخبازه ... ولو أكل نصه "

اللي بعدي حرف ( ب )

تبعوا معي ... ولا تنسوا هذا جزء من تراثنا

تحياتي للجميع

يسلمو احمد على اللعبه الحلوه

وهي مثل

بحرف الباء بعد الاستعانه بستي

بعد الجوع والقلة صار له مال وفله

يلا كملو كخخخ

حرف التاء

"تيتي تيتي ... مثل ما رحت جيتي"

الي بعدي حرف الثاء ( ث )

تحياتي

والله في هل حرف الامثال نادره

بس ستي قدها وقدود

ثور الله في برسيمه

ويلا كملو

أنا حرف ج

المثل : جيتك يا عبد المعين تا تعينا طلعت بدك مين يعينك

يلا الي بعدي حرف ح

حرف الحاء

"حبيبي من أول ... وزاد الهوى وكمل "

الي بعدي حرف الثاء ( خ )

تحياتي

حرف الخاء ( خ )

خال مخلى والعم مولى

الي بعدي حرف الدال ( د)

ثائر نصار

ديانك سيدك لحد ما تسده دينه

الي بعدي حرف ( ذ )

محمود

حرف الذال

"ذنب الكلب عمره ما بصح "

الي بعدي حرف الراء ( ر )

تحياتي

رزق الهبل على المجانين

على الوجع

زي الحلاق يضحك على الاقرع بطقطقة المقص

يلا الي بعدي حرف ( س )

تحياتي

تحياتي للجميع

المثل الي بدي اقوله ( يقال بالاعراس وعند الجواز ))

سمره ونغشه، ولا بيضة ودفشة

ويلا انشوف الحرف الي بعدوا

حرف ( ش)

ثائر نصار

الله يعطيكم العافية

أمثالنا الشعبية ما خلت شي الا وقالته

ولحرف الشين : " شحاد وبتشرط "

هذا المثل الي أجى ببالي ههههههههه

يلا الي بعدي حرف ( ص )

شدوا الهمة

تحياتي

أشكركم على الموضوع وحاب اشارك معكم

حرف ص : صام صام وأفطر على بصلة

شكراً شباب وصبايا

دمتم بخير

الله يعطيكم العافية الجميع

أنا حرف الضاد

المثل: ضلالي وعامل إمام.

يلا شدوا الهمة والي بعدي حرف ( ط ).

تحياتي

----------------------------------------------------

-------------->

يتبع صفحة (2)

-------------->

-----------------------------------------------------

طلع الرنجس والحنون ضب بدارك يا مجنون

شو رايكم بهذا المثل

يلاااااا نشوف الي بعدو

حرف الظاء (( ظ))

تحياتي

ثائر نصار

هلكتوني بهالحرف ... وما صدقت وأنا الاقي مثل ببدأ فيه

ظل الرجل ولا ظل الجذر

بمعنى أن الحياة عند الزوج أفضل من الحياة عند الأهل ... على ما أعتقد

الي بعدي حرف ( ع )

يلا شباب وصبايا

عمارة البيت خبز وزيت

عيد بربارة يطلع المطر من خزوق الفارة

عين القاني ربيع تاني

عشرة حبل وعشرة سبل وعشرة حش وارمي للجمل

عيد التجلي يا صيف ولي ويا شتا هل

عيد الخضر حرام حط النير عالبقر

عن أرض العاقول قول

عند الرهام افرش ونام

عند الحسوم اشلح توبك وعوم

عدو جدك ما بودك

عصفور في اليد ولا عشرة على الشجرة

على قد فراشك مد رجليك

عمر الحية ما صارت خية

عمر الدم ما صار ميّ

عمر العدو ما صار حبيب إلاّ لما يصير الحمار طبيب

عمر عواد ما يعيدها

عيشة الفهيم مع البهيم داء دفين

وين يا شباب ويا صبايا

شو رايك ابو حميد

الحرف الي بعدي حرف الغين ((غ))

تحياتي للجميع

ثائر نصار

شو الي عامله يا ثائر مش مخلي أمثال بالدنيا بحرف العين الا جايبهم

شو جاريلك

بس بتعرف انك كبير وما في منك

حرف ( غ ) : غاب القط إلعب يا فار

كيف هالمثل

الي بعدي حرف ( ف )

يلا شباب وصبايا يعطيكم العافية

اديلووو

فيه اللي كلمته في ثمو, وفيه اللي كلمته في كمو وفيه اللي كلمته عند امه

يلا حرف القاف (ق)

يعطيكم العافية شباب
والله منورين
(( القرد في عين امو غزال))
الحرف التالي هو (ك)

يلا شدوا الهمة

يعطيكم ألف عافية

دخنا اشوي بس

(كلها حسن ولطافه وطعمها زي الكنافه )

يلا يا شطار الحقوااااااااا اللي بعده حرف (لـ)

مرحبا

يلا على سريع

لا يهش ولا ينش

يلا حرف الميم (مـ)

"من رضي بقليله عاش"

حرف النون "ن"

الله يعطيكم العافية الجميع

قربنا نخلص الدورة الاولى ونخلص الأحرف الأبجدية

أنا عندي حرف النون

المثل :" نقول له ثور يقول إحلبوه"

الي بعدي حرف ( هـ )