اسأل سؤال واحرج الي بعدك؟؟

السلام عليكم ورحمة الله وبركاته

اللعبه معروفه وواضحه من عنوان الموضوع

اسأل اي سؤال محرج

واللي بعدك يجاوب بصدق

يلله انتظركم

سؤالي...؟

اش رايك فيني وبصراحه؟

يلله اللي بعدي يجااااوب ههههههه

انا ما بعرفك لاحكي رايي فيك هاد جوابي وسؤالي للي بعدي :

شو رايك بحالك ؟

بحب أشكركم على الموضوع

وسؤالك عن جد محرج ... بس رح أجاوب

ما في انسان كامل ... بس على الأقل أنا راضي عن نفسي ... وبتمنى أنه أحد الأعضاء في المنتدى يقدم رأيه فيّ وبكل صراحة ... ومشكور سلف

سؤالي... بتتمنى لو كنت أنت شخص آخر؟؟

كل عام وانتم بألف ألف خير

طبعا انا بعدك ابو حميد

وسؤالك بتتمنى لو كنت انت شخص اخر

مرات كثير بكون اتمنى لو اني واحد من هالرفاق الي استشهدوا الابطال ومرات أخرى بقول حرام انا اكون واحد منهم

اما ما عمري تمنيت اني اكون اي انسان اخر يوجد على سطح الارض

(( أما سؤالي للي بعدي شو اكثر موقف محرج صار معك بحياتك ))

ثائر نصار

اهلين أبو الحارث

أكثر موقف محرج صار معي (الله لا يتيرك فضحتنا)
أيام الجامعة وحدي أخذت اتصور من دفتري ملاحظات المحاضرة اللي غابتهن وشفطت الفتر وين تا شوفتها بعد اسبوع وطلعت مو ملاقية المحاضرة لأني طبعا أنا الثاني بكيت غايب عنها

سؤالي للي بعدو

طبعا الجواب رح يكون صريح -

أكتب لنا موقف خلاك اتحب أبوك فيه؟

مساء الخير للجميع

سؤالك يا رفيق مش محرج

على العكس وأنا بفكر بالاجابة بفخر بمواقف كثيرة بتجعلني أحب أبوي ... أو بالأصح بتزيد تعلقي فيه... وبناءً على طلبك رح أجاوب بصراحة وأعطيك شوية مواقف..

1) أنا تخرجت من الجامعة ودفعت كثير وكثير بدراستي ولحد اليوم مش عارف من وين خلق كل طلباتي.

2) بلتقي بكثير ناس بحياتي .. ولإن صدف وكان أبوي حاكي معهم بكتشف أنه حاكيلهم عني كثير ومكبر في بشكل جنوني.

3) أبوي بزيدني بالعمر أكثر من 30 سنة ومع هيك ما في قرار صغير أو كبير الا وبكون الي دور باتخاذه معاه.

شو بدي أحكيلك تا أحكيلك ... رغم صعوبة الحياة بس مواقفها حلوة جداً

سؤالي للي بعدي: ( شو أكثر شي بزعلك من صديقك؟؟ )

أرجو ادراج الجواب الصريح

تحياتي الك احمد

هو انشاء الله ما بصير زعل بس بشكل عام

( خيانة الصديق )

وسؤالي هو : من اكثر واحد حبيته بالمنتدى

والله انـــا لسه جديده يعني ...ما لحقت اتواصل مع حدا لسه

بس الكــل اخوه ...رائعين..ويكفي انهم رفاق مخلصين

....سؤال

كـــل انسان بيكذب ...بس عمرك كذبت....لتحمي حد بتحبه ..سواء اخ او صديق..او اخت او صديقه

شكرا

انت حكيتيها "غرامي فلسطين" كل انسان بيكذب

بس الكذب مش صفة فينا .. بكون في بعض الأوقات لمواقف معينة

مثل ما طرحت لتبرير موقف .. للدفاع عن شخص .. لتجاوز الأمور التافهة في بعض الأحيان.... الخ

سؤالي: شو أكثر شي في الدنيا بتخاف منه؟؟

تحياتي للجميع

احمد مليطات ما رح علق على جوابك

لانو ما رح اقدر افهمه

جوابي

بخـــاف من الفراق...اكتر ما بخاف من الموت...الي هو ضمن الفراق ...بخاف لما اتعلق بانسانه او شخص او اي انسان يعني وافقده...؟؟

الله لا يفرق حدا عن حدا

سؤالي ...

هههههههههههه

والله العظيم هاد السؤال مش مني

هاد اخوي الصغير سالته شو اسال .. حكالي هاد السؤال

هههههههه انا اسفه بس والله مصر احط السؤال

كمـــ نمره رجلك......؟؟؟!!! هههههههههههههه

[center]

ههههههههههههههههههههههههههههههههههه

يعني انا بتوقع انو اسهل سؤال مر علي وكمان اجابتو سهلة

وبعدين ما في احراج لانو اي واحد منا كتير بنسال هذا السؤال

وبالتحديد لما يذهب لشراء حذاء فاول سؤال يتوجه له كم نمرة رجلك

وبالتحديد احنا الرفاق بننسال فوق 100 مرة ولا شو راي الشباب ليش ؟؟؟؟؟؟

لانا احنا بنفاصل كتير وما بعجبنا الشي من اول مرة

ههههههههههه غرامي فلسطين ههههههههههههههه

وشكرا كتير

اما سؤالي للي بعدي فهو ليس بالصعب ولكن بدوا اجابة صريحة

((( من هو الشخص الذي تعتبره قدوة لك ))) وليش ؟؟؟؟؟؟؟؟؟؟

وشكرا

ثائر نصار

مساء الخير للجميع

جوابك ثائر منطقي جداً بس انت نسيت تحط نمرة رجلك ... وأكيد الأعضاء بستنوا باجابة .. على هيك أنا بجاوب عنك

يا جماعة ثائر بتزيد نمرة رجله كل فترة صغيرة نمرة .. آخر مرة كانت النمرة 47 وتفصيل خشب مش جلد...... هههههههههههههه

أما سؤالك يا ثائر

أنا قدوتي الانسان الناجح .. الانسان التقدمي .. الانسان المثالي وما بخص شخص واحد.. الوالدة عظيمة والها أثر كبير في حياتي ... والوالد عظيم وعمل كثير اشياء في الدنيا بنفسي أكون قدر المسؤولية وأعملها .. أصحابي عظيمين بكل ما تعني الكلمة وبكونوا قدوتي بكثير مواقف ... رفاق كثير .. طلاب .. مدرسين ..

"كثيرون من يتركون في حياتنا بصمتهم .. ويمضون"

سؤالي: لو حد حكالك أنا بقدر أحولك للجنس الآخر شو بترد عليه؟

تحياتي للجميع

أحمد مليطات

هههههههههههههههههههههههههههههههه

ههههههههههههههههههههههههههههههههههههههه

هههههههههههههههههههههههههههههههههههههههههههه

عن جد انا اسف مش قصدي

شكرا ابو حميد منيح الي فطنتني لانها اكيد غرام زعلت منا

انا نمرة رجلي مش كبيرة كبير زي ما وصفها رفيق دربي ابو حميد اقل شوي

43 بالشتوية و44 بالصيفية بسسسسسسسسسسسسسسس

اما جوابي عن سؤالك ابو حميد

يخلف عليه ما بعرف شو بدي ارد عليه

على طووووووووووووووووووووووووول

اما سؤالي للي بعدي

شو اكثر شيء تحبه بشريك حياتك أو حبيبك

ثائر نصار

شكراً للجميع على المشاركة

أكثر شي بحبه بشريكة حياتي وحبيبتي أنها حبيبتي

أما سؤالي للي بعدي: لو كنت تحب شخص وهو مش حاسس فيك شو بكون موقفك؟

تحياتي

------------------------------------------------------------>

يتبع بالصفحة رقم 2

------------------------------------------------------------>

تحياتي ابو حميد

اجوابي في عدة خيارات

اولا قد اروح واصارح اوحاول مرة ومرتين

او ببعت ناس اقراب عليهم يخرفوهم

او بكتم الموضوع جواتي وبسكت

اما سؤالي للي بعدي (( لنفرض انك حبيت موت ووقت كتب الكتاب رحت فحصتو وطلع عندكم مرض الثلاسيميا شو بتعمل ))))))))))

تحياتي

ثائر نصار

بكل بساطة بتركها

وبحكي معها كلمتين

-

الدنيا قسمة ونصيب

وانتي زي اختي

س: بشو بتفكر هسه؟؟ بصراحة وبدون لف ولا دوران

ههههههههههههه

بصراحه بفكـــر انو الحمد لله لسه في الدنيــا خير

وسبحـــان الله ...والله قادر على كـــل شي

ليش بفكر بهالطريقه ..ما بقدر احكيلك ههههههههههههههه

سؤالي

((ما رايــك في النــت بشكــل عام...وها انت مدمن انترنت؟؟؟)))

مساء الخير للجميع

النت شبكة غريبة ولكنها عظيمة ... رائعة جداً ... تضع كل أسرار الكون بين يدي المستخدم ... نبع للمعلومات ... مصدر الأخبار ... وسيلة اتصال بين الناس بشكل عام... ميزات لا تعد ولا تحصى... ولكنها في نفس الوقت سلاح ذو حدين ... صح؟

أما بالنسبة للإدمان .. وبكل صراحة .. أنا بستخدم النت طول النهار وطول الليل ... 24 ساعة ... بشرط أنه ما يكون عندي شغل غيره ... يعني مختصر الحديث ... مش مستعد ألغي أي شغل .. أي نشاط لعيون مستر نت ( يسلم على حاله)

ههههههههههههههههههه

سؤالي : انت طالع بسيارة ورايح على حاجز حوارة مثلاً ... وانت بنص الطريق بتكتشف أنه السيارة رايحة على حاجز بيت ايبا مش حوارة شو بتعمل؟

الموضوع كتير حلو ومهم كتير

انا قرأت كل الاسئلة والاجابات عنجد انكم حلوين وردودكم حلوة متلكم

اما بالنسبة للسؤال ما بعمل اشي بكمل المشوار على حاجز بيت ايبا وبزوره وبرجع بركب سيارة راجعة على نابلس او

رايحة على حاجز حوارة

اما بالنسبة للسؤال

شو بتعمل اذا عزمت اصحابك وكنت كريم معهم وبالاخير لما روحت تدفع الحساب لقيت فيها خراب بيوت مستعجل وما بكفوك الفلوس

شو بتعمل

ههههههههههههههههههههههههههه

طبعا هو اكيد مش رح اعزم حدا من اصحابي بيوم من الايام على اشي دسم ... كاسة قهوة معقولة

اما اذا صدف وعزمتهم وعند الحساب تفاجئت انه ما في فلوس كفاية

بكل بساطة بروح اطلب منهم الاقرب ثم الاقرب

وشكرا كتير

اما سؤالي (( كم عدد الاسنان في فمك))

ثائر نصار

شو هالسؤال الغريب

أسناني ما لحق يصير فيهم شي ... كل الي بعرفوا من آخر زيارة أنه طاحونة سلامتك والبطيخ ما ضايل منها الا الأطلال

سؤالي : مين أقرب الناس الك؟؟

تحياتي

اصدقائي هم اقرب الناس الي

اصدقائي بمعنى اصدقائي

اما سؤالي (( شو اكثر طبخة بتحبها ))

تحياتي للجميع

ثائر نصار

والله يا كبير الدوالي ( ورق العنب )

اما سؤالي (-( شو الطبخة الي ما بتحبها )-)

أنا ما بحب المعكرونة

سؤالي: انت مروح على الدار وقت الغداء وميت من الجوع .. ولقيت أهلك عاملين الطبخة الي ما بتحبها شو بتعمل؟

تحياتي