وبعدين ؟؟؟؟

موضوع: وبعدين ؟؟؟؟ الإثنين أكتوبر 15, 2007 9:16 pm

وبعدين ؟؟؟؟؟؟؟؟؟

وبعـــدين ؟؟؟؟؟؟؟؟؟

وبعديــــن ؟؟؟؟؟؟؟؟؟؟

والله العظيم أنا انقهرت وموش عارف شو أقول !!!

عنجد وبعدين مع هالحال ؟؟؟؟

فش نية للتغير؟؟؟؟

فش نية للتطور ؟؟؟

من أول ما سجلت بها المنتدى انت ؟؟

ايوة انت يلي قاعد بتقرا ؟؟؟

اه انت تطلعش ع حالك انت ؟؟؟؟

شو الموضوع اللي بتفتخر انك شاركت فيه ؟؟؟؟

شو الموضوع الجديد اللي كتبتو انت من عند نفسك ؟؟؟

وبعدين؟؟؟

بكفي هبل وولدنه ولعب ..

أجا وقت الجد

انتو ناس طارحين حالكم تقدمية فلازم اتبينو شو يعني تقدمي

---- تقدمي بمشاركاتك, موش سرقة ولطش من محلات تانية

----- تقدمي بتعليقاتك, موش مشكور ويعطيك العافية وأبصر ايش

انت تقدمي بردك ع الموضوع يعني لازم تحط رأيك الشخصي انت مو رأي أصابع ايدك اللي اتعودت ع مكان هالحروف

اسمع ؟؟؟

أنا ما بدي تكتب لي مشكور هون

ماشي ؟؟

يا بتكتب رأيك الشخصي بالموضوع وبصيغتك انت أو احسب حالك ما قريت هالموضوع ولا كأنو بيعنيك

اوتشي ؟؟؟

أشوفكم على خير وقد مرضتم بداء اسمه ( الكتابة والابداع)

أنا معاك يا رفيق
بس انا لما بدي أحط موضوع بدي احطه صغير وشامل عشان اللي بدو يشوفه ييجيه نفس يقرأ
هاد الموضوع
صح ولا شـــــــــــو؟؟؟؟؟؟؟
مش أحط موضوع طويل عريض ما حدا يقرئه
وانا بصراحه شايف اغلب الاعضاء بدهم يكسبو مشاركات عشان هيك بس شاطرين يحطو مشكور ويعطيك العافيه
انا صح نزلت موضوع عن الاسير احمد ابو السعود طويل بس اي حدا معني فيه يقرأ بس أي فقره في الموضوع بتعبر عن كل الموضوع اللي انا منّزله
ولعلمك يا رفيق شادي انا هاد الموضوع اللي بفتخر فيه اني نزلته عن(الاسير أحمد أبو السعود)
أنا هاد رأيي يا رفيق شادي
وعلى فكره...أنا بضم صوتي لصوتك
complement

رفيقي الشادي

كلامك في منة هيك منتدى بهيك اسم لازم غالبية مواضيعة بدل على الفكر والمنهج الي بتبعة والي بنتمي الو غالبية الاعضاء ما بتهتم في المواضيع المهمة وكل همها للمواضيع الي فيها تسلية والردود اكبر دليل على هيك شي صدقني اني صرت اخجل لاعطي رابط المنتدى لاي غريب او رفيق لانة صار المنتدى يسلك مسلك ثاني لايدل على الاسم الي بحملة المنتدى واذا نزلت موضوع مهم ما بتلاقي علية الا القليل من لردود ويمكن انت قرات موضوع نزلتة من يومين بهيك خصوص اسمة (لفت نظر للاعضاء والادارة )ياريت تشوفة وتقرا الي فية

--(-- تقدمي بمشاركاتك, موش سرقة ولطش من محلات تانية) في هاي الجملة انا بعارضك مش غلط لو قرات موضوع مهم ومفيد ومش من كتابتي ونقلتة للمناقشة وانا عارف انة رح يفيد المنتدى والاعضاء موضوع يكون ذات فائدة واهمية في معلومانة واطرحة للمناقشة
انا بتمنى انة نخلص منها هاي مشكور على موضوعك وتكون ردوردنا اعقل من هيك

ان شاءلله تلاقي تجاوب من الاعضاء رفيقي
تحياتي

ها نحن نقف على بداية طريق طوييييل ... لا يمكن للعين أن ترى نهاية الطريق ... ولقد لفت الانتباه هناك قبل وصولنا يافطات طويلة وقد كتب عليها بكل ألوان الطيف أن الطريق طويل وصعب وشاق وقد تواجهنا بعض المسافات المظلمة المضللة ... ومع هذا أكملنا سيرنا وكنا متحدين لصعاب الطريق ... عجبي أن أراك تصرخ وتغضب حين تشاهد فوضى المسير على أول منعطف يواجهك!!! ... نحن من نتحمل مسؤولية كل شيء ... النجاح لنا والفشل لنا أيضاً .. كان أجدر بنا أن نضع اشارات ضوئية هنا وهناك تنظم مسيرنا في منتدانا العظيم وأن تكون مركباتنا أولى المركبات التي تسير ملتزمة بالشيء التقدمي حتى تكون عبرة أو موقف مخجل لمن يمر بجابنا دونما اكتراث ...

وأترك لكم تتمة النص...

مشكور رفيقي الشادي ... وهناك لوحات أجمل تعلق على الجدان وتوصل الهدف ذاته

تحياتي للجميع

يتبع ...

وليش الواحد مقهور ؟؟؟؟

يا جماعة واحد يبيض الوجه بالله عليكم ؟؟؟

حبيت بس أحط لكم شو طلع عندي لما كبست استعرض المواضيع منذ اخر زيارة...

بترضو بهيك وضع ؟؟؟

أترك لكم التعليق.............!!!!!!!!!!!!!!!

أحمد مليطات كتب:: عجبي أن أراك تصرخ وتغضب حين تشاهد فوضى المسير على أول منعطف يواجهك!!! ... نحن من نتحمل مسؤولية كل شيء ... النجاح لنا والفشل لنا أيضاً .. كان أجدر بنا أن نضع اشارات ضوئية هنا وهناك تنظم مسيرنا في منتدانا العظيم وأن تكون مركباتنا أولى المركبات التي تسير ملتزمة بالشيء التقدمي حتى تكون عبرة أو موقف مخجل لمن يمر بجابنا دونما اكتراث ...
وأترك لكم تتمة النص...
مشكور رفيقي الشادي ... وهناك لوحات أجمل تعلق على الجدران وتوصل الهدف ذاته
تحياتي للجميع

وكأنك رفيقي تريد أن تبقى عجلات مركبنا تسير الهوينا ..

وكأنك رفيقي رضيت بمن لا يجيد القيادة أن يقود مركب لا قدرة له في القيادة
أشعر وكأننا رفيقي نحمل خارطة ستسير بنا الى اتجاه ليس هو هدفنا ...
لا أعرف هل أصبحت أنا من اولئك الناس ذوي قصار النفس حتى أتنحى جانبا ..؟؟؟؟
كلا رفيقي لن أترك مركبنا يضل اتجاهه .. سنبقى في هذا المركب وسنبقى نوكز ظهر سائقنا حتى لا تأخذه غفوة فيكبو بنا على أقرب التفافة في واد سحيق..
معذرة رفيقي ان قسى كلامي ولكن أنت تعلم كم أنا محروق قلبي على هذا الوضع ...
دم بخير رفيقي أحمد وابقى شعلة دائما في هذا المنتدى ..
ومزيد من التقدم لك ولكل من ساهم في بناء هذا البناء

هاني أبو السعود كتب:: أنا معاك يا رفيق
بس انا لما بدي أحط موضوع بدي احطه صغير وشامل عشان اللي بدو يشوفه ييجيه نفس يقرأ هاد الموضوع

هذه واحدة

هاني أبو السعود كتب:

وانا بصراحه شايف اغلب الاعضاء بدهم í****بو مشاركات عشان هيك بس شاطرين يحطو مشكور ويعطيك العافيه

وهذه ثانية

هاني أبو السعود كتب:: انا صح نزلت موضوع عن الاسير احمد ابو السعود طويل بس اي حدا معني فيه يقرأ بس أي فقره في الموضوع بتعبر عن كل الموضوع اللي انا منّزله
ولعلمك يا رفيق شادي انا هاد الموضوع اللي بفتخر فيه اني نزلته عن(الاسير أحمد أبو السعود)

لك رفيقي أن تفتخر بكل ما أبدعت وهذا شيء ليس عيب انما هو مدعاة للمفخرة

أما بالنسبة لنقاطك الاولى --فهنا أنا بضم صوتي لصوتك رفيقي وبطلب من كل واحد بدو ينزل موضوع طويل يقسمو لحلقات مثلا حتى الكل يقراه ويستفيد منو

أما بالنسبة للتانية -- هذه هي القشة التي قصمت ظهر البعير .. فيؤسفني أن أقول لك بأن كلامك صحيح 100/100 وهذا ما يزعجني صراحة

رفيقي فليكن هذا الموضوع مدعاة لشحن همتك للابداع

دم بود رفيقي ويعطيك العافية

عاشقة الجبهة كتب:: صدقني اني صرت اخجل لاعطي رابط المنتدى لاي غريب او رفيق لانة صار المنتدى يسلك مسلك ثاني لايدل على الاسم الي بحملة المنتدى واذا نزلت موضوع مهم ما بتلاقي علية الا القليل من لردود

وهاد اللي خايف منو بكل صرااااااحة

عاشقة الجبهة كتب:: --(-- تقدمي بمشاركاتك, موش سرقة ولطش من محلات تانية) في هاي الجملة انا بعارضك مش غلط لو قرات موضوع مهم ومفيد ومش من كتابتي ونقلتة للمناقشة وانا عارف انة رح يفيد المنتدى والاعضاء موضوع يكون ذات فائدة واهمية في معلومانة واطرحة للمناقشة

ماشي .. ما تفهميني غلط رفيقة

أنا قصدي حتى ما نوخذ تعب غيرنا يعني معلش انغلب حالنا ونحط منقول للفائدة في نهاية المقال وليس أكثر
هذه النقطة بتعرفيش قديش تأثيرها لو صاحب الموضوع الحقيقي صدف موضوعو هون شو رح نطلع بوجهة نظرو ؟؟
يعطيك العافية رفيقة ومزيد من التقدم