سؤال وجواب في الجبهة الشعبية

تحية رفاقية جيفارية حمراء لاحلى رفاق ورفيقات في منتدى اتحاد الشباب التقدمي الفلسطيني

رفاقي انا عندي موضوع وياريت الكل الكل يشارك فية وهو سؤال وجواب في الجبهة وما يتعلق في الجبهة من شهدائها واسراها وتاريخها وكل شي عنها ومش مشكلة الي عندو سؤال بقدر يسالوا والي بعرف الجواب يجاوب بس ممنوع ينسال اي سؤال قبل ما يجاوب الي قبلة واذا حدسال سؤال قبل ما يجاوب الي قبلة بنحذف سؤالوا وان شاءلله الجميع يشارك وانا رح ابدا باول سؤال

السؤال الاول

ما هواسم اول شهيد في الجبهة الشعبية واي سنة

شكرا الك عاشقة الجبهة على هالموضوع الرائع

اللي يخلي الجميع يعرف تاريخنا النضالي اللي دايما بنفتخر فيه

اسم الشهيد:خالد ابو عيشة

تاريخ الاستشهاد:2\11\1964

سؤالي:أول اسير للجبهة الشعبية لتحرير فلسطين؟

الاسير هو سكرن سكران

السؤال:

ما اسم الناطق الاعلامي للجبهة الشعبية الذي اعتقلته قوات الاحتلال؟

ما اسم الناطق الاعلامي للجبهة الشعبية الذي اعتقلته قوات الاحتلال؟
انا بعرف اسمة الرفيق علي جردات بس يمكن هو حاليا خارج السجن صحيح الجواب
رفيق في ملاحظة انت جاوبت على السؤال الاول وبعدها سالت وجاوبت في نفس اللحظة ورجعت سالت هيك ممنوع انت بجاوب على سؤال غيرك وبعدها بتسال ممنوع جاوب على سؤالك الا بعد فترة في حال ما حد عرفة
مشكور رفيق

سؤالي هو :كم عملية للجبهة الشعبية ضد الاحتلال ؟؟؟؟؟؟؟؟؟؟؟؟

عاشقة الجبهة شكرا الك على اللعبة الي فيها وعن طريقها بنذكر تاريخ الجبهة الشعبية
بس انتي رفيقه مش موضحة السؤال مصبوط عمليات الجبهة الخارجية ككل ولا شو
انا مش فاهم السؤال للاسف بتمني توضحي اكتر

وانا اسمحولي اسأل سؤال

س؟ اين ولد جيفارا غزة (محمد محمود الاسود)

مع تحياتي كمال نصار

ولد رفيقنا جيفارا غزة في

حيفــــــــــــــــــــــــــــا

عـــــــــــــــــــــــــــــــام

6/1/1946

كم عدد اسرى الجبهة الشعبية داخل السجون؟

كمال نصار كتب:: عاشقة الجبهة شكرا الك على اللعبة الي فيها وعن طريقها بنذكر تاريخ الجبهة الشعبية
بس انتي رفيقه مش موضحة السؤال مصبوط عمليات الجبهة الخارجية ككل ولا شو
انا مش فاهم السؤال للاسف بتمني توضحي اكتر

وانا اسمحولي اسأل سؤال

س؟ اين ولد جيفارا غزة (محمد محمود الاسود)

مع تحياتي كمال نصار

اكيد رفيق عمليات الجبهة ككل خارج فلسطين وداخلها وانا رح اجاوب علية (اسمحولي )
عمليات الجبهة لايمكن حصرهافي عدد محدداكيد بتحصل عمليات للجبهة وما حد بعرف عنها على شان هيك الجواب لا يوجد عدد محدد فعمليات الجبهة كثيرة وكبيرة لا يمكن حصرها

السلام عليكم كل التحيه والتقدير لكم عشاق الجبهة الشعبية لتحرير فلسطين
لكني اليوم سأتخطي قانون العبه واسأل قبل الاجابه

سؤالي : اين ولد الرفيق وديع حداد(ابو هاني) واين استشهد

ولكم كل احترامي وتقديري

كمال نصار

كم عدد اسرى الجبهة الشعبية

انا باعتقادي رفيق انة ما في عدد محدد لانة كل يوم في اعتقالات وبكون ايضا في افراجات اذا بكون في عدد اكيد بكون تقريبي وصعب انك تحسب عدد الاسرى ويكون العد مية بالمية انا هيك بعتقد اذا في اجابة صحيحة واكيدة عندك يا ريت تفيدنا فيها رفيق انت او غيرك

كمال نصار كتب:: السلام عليكم كل التحيه والتقدير لكم عشاق الجبهة الشعبية لتحرير فلسطين
لكني اليوم سأتخطي قانون العبه واسأل قبل الاجابه

سؤالي : اين ولد الرفيق وديع حداد(ابو هاني) واين استشهد

ولكم كل احترامي وتقديري

كمال نصار

الرفيق وديع حداد ولد عام 1927في مدينة صفد استشهد في المانيا الشرقية

أستشهد في 28 مارس عام 1978 في ألمانيا الشرقية واشيع انه توفي بمرض سرطان الدم .ولكنها بعد 28 عاما اعترفت إسرائيل مؤخرا وعن طريق أحد ضباط مخابراتها الذي كتب جزءا من حياته الإستخبارية بإنها اغتالته بدس السم له في الشيكولاتة عن طريق عميل عراقي كان يشغل منصب رفيع المستوى .ونقلت “يديعوت احرونوت” عن المؤلف ان إسرائيل قررت تصفية حداد بداعي تدبيره اختطاف طائرة “اير فرانس”، كانت في طريقها من باريس إلى تل أبيب، إلى عنتيبة (اوغندا) عام 1976، وانه كان مسؤولاً عن “سلسلة من العمليات الارهابية الخطيرة”.

تحياتي رفاقية لك رفيقي الى الامام

وين السؤال يا رفيقه ؟

انا سؤالي ما هو اسم الرباعي للشهيد القائد ابو علي مصطفى؟

تحيـــــــــــــــــــــــــــــــــــــــــــــــــــا تي

وين السؤال يا رفيقه ؟

انا سؤالي ما هو اسم الرباعي للشهيد القائد ابو علي مصطفى؟

تحيـــــــــــــــــــــــــــــــــــــــــــــــــــا تي

رفيقي مصطفى مش بالضرورة انا اكتب السؤال انا جاوبت على الي قبلة وبقدر اي رفيق يكتب اي سؤال والجميع يجاوب
جواب سؤالك هو مصطفى علي العلي الزبيري

تحية رفاقية حاره
تحية جيفارية حمراء
معبقه بدماء الشهداء
مشكورين يا رفاق
وانا سؤالي الكم

س؟ ما هو السبب الذي جعل الجبهة الشعبية لتحرير فلسطين تنفصل عن الجبهة الديمقراطيه؟؟؟؟؟

مع تحياتي كمال نصار

كمال نصار كتب:: تحية رفاقية حاره
تحية جيفارية حمراء
معبقه بدماء الشهداء
مشكورين يا رفاق
وانا سؤالي الكم

س؟ ما هو السبب الذي جعل الجبهة الشعبية لتحرير فلسطين تنفصل عن الجبهة الديمقراطيه؟؟؟؟؟

مع تحياتي كمال نصار

هلا رفيق
رفيقي انا بمعلوماتي البسيطة بعرف انة نايف حواتمة بدو الجبهة تتبنى الماركسية كلها والجبهة تبنت النظرية العلمية فزعل الرفيق حواتمة وانشق
وفي بحكوا سبب ثاني هو انة كان بدو ينعقد مؤتمر في سوريا لانتخاب رئيس للمؤتمر وكان الرفيق جورج حبش في السجن وكان الرفيق حواتمة مرشح حالو فرفاقنا الابطال بقيادة الرفيق وديع حداد اخطتفوا الرفيق جورج حبش من السجن ورشحوا للمؤتمر واعطوا كل الاصوات فبعد هيك انشق نايف حواتمة وعمل جبهة دمقراطية
ان شاءلله يكون جوابي صحيح
تحياتي لك رفيق

س: علل - ليش لعبتكم مش فايته راسي؟

انا بجاوبك..........

لانو هاي اللعبة بتدخل عقول الناس الي بتفهم وعندها وطنيه
وبتحب تفيد وتستفيد

مش ناس مستهترة همها بس تلعب وتتهبل

تحياتي ....

لا مزبوط بتفهم

علي ال حنني كتب:: س: علل - ليش لعبتكم مش فايته راسي؟

انا بحكيلك ليش لانك مش رفيق ومش ابن جبهة ولانك ثقيل دم وما بتعرف لاي شي اسمة منتدى او ثقافة او جاوب على اي شي ومش عارف ليش الادارة لسة مش عاملة الك حظر نهائي اذا في ادارة موجودة وبعدين اسمع علي تا احكيلك هاد الموضوع انا الي منزلة وانا الي مسؤلة عنو يا بتدخل وبتحكي وبجاوب منيح يا بتطلع برة وبتحترم حالك اوكي لاني عارفك انت مين واكيد اذا عرفت مين انا رح تتفاجئ وتسكت على طول فاسكت من الاول احسن الك واي موضوع الي ما تشارك فية طيب
تحياتي للي بفهموا بس وان شاءلله وصلتك الرسالة

في البدايه يا رفيقه قبل ما اشكرك على جوابك بدي احكي لرفيق علي حنيني
انه يا رفيق هذه مش لعبهى للاسف هذه مجرد شيئ بنذكر فيه بعض الامور الي ابدعت فيها الجبهة الشعبية
لتحرير فلسطين الي احنا بنفتقر الها في ايامنا هذه يا علي اعرفت ايش هي لعبتنا يا قائد
اما انتي يا رفيقة يا عاشقة للجبهة بكل ما تعنيه الكلمه معني انا حابب احكيلك انك حافظه تاريخ الجبهة
وانا بششششششكرك كتير كتير كتير على جوابك النموذج لانه هاد هوي الجواب الي عندي

مششششكورة رفيقه كمان مرة والى الامام دوما

تقبلي احترامي وتقديري اليكي رفيقة
كمال نصار

كل الاحترام الكم على الرد المناسب في الوقت المناسب
لانه هاد الشب علي ال حنني ليس بانسان بتاتا
وانا بشكركم على ردودكم

اما سؤالي :ما هو موقف المنتدي من امثال اؤلئك امثال هذا الشخص؟
واريد رد وجواب من احمد مليطات

كمال نصار

لانو راسك ما بيفوت فيه شي مفيد اعتقد هاي الاجابة ؟

شي حلو كتير رفاق وبتمنا دوام التقدم والنجاح لمنتدانا وبهيك مواضيع بنثري المنتدى وبنعطيه صبعه رفاقية جميله

اما سؤالي فهو ما هو سبب تراجع شعبية الجبهة الشعبية في الفترة الحاليه بتمنى انو ما حد يحكيلي انو ما فيه تراجع الي بدو يتاكد يراجع استطلاعات الراي الموثوق فيها
وتحياتي للجميع

رفيقي abu-karmel
انا توقعي سبب تراجع شعبية الجبهة لعدة اسباب بذكر منها
1- القيادة اصبحت ضعيفة شوية مش قوية مثل الاول يعني بالعربي صاروا متخاذلين وبرجعوا الى الوراء
2-بتوقع المصدر المالي مهم مالها مصدر مالي يمول مسيرتها
3- ما اخذت موقف محدد من الاقتتال الداخلي بين فتح وحماس وتكون البديل الثالث للشعب
4- بتوقع ( من عندي هاد) انة بعد الانتخابات الي قمنا بانتخابهم ما عملوا شي لاعضائهم او للنتخبوهم
ان شاءلله يكون الجواب صحيح واذا ما كان صحيح بتمنى تفيدنا بمعرفتك للجواب

مساء الخير يا رفاق

يا رفاق انا بدي اقول انو الجبهة

احنا

الجبهة مش القيادة

ولا الامين العام

ولا نائب الامين العام

ولا

احنا الجبهة

وما دام احنا الجبهة

كل واحد ينظر على حالو

ويتذكر رفاق زمان

ما كانو يقولو القيادة تعبانة

ولا

ولا كانو يقولو فش مصاري

كانو يخلقوا

كانوا يدبرو

اليوم احنا على المتريح

لا بنتعب ولا شي

أصلا ما في عني اشي من الأمن

ولا شو رايكم يا رفاق

وين العمل السري

قليل ما يوجد قي هذه الايام هذا العمل السري في حزبنا

على كل حال اتمنى ترجع الجبهة لعزها

ولكم احترامي

هلا رفيق ثائر نصار
رفيقي كلامك في منة صحيح احنا الجبهة وننظر لرفاق زمان بس يارفيق ما بنفع كل واحد يشتغل على راسوا اذا ما كان قيادة قوية وجريئة تتحدى كل الصعاب ما بظن في شي بزبط وبمشي رفيقي القيادة هي مرجع اي واحد اذا ما في قيادة بمعنى الكلمة كيف بدو يمشي الشغل لما الرفيق يشوف قيادتة فاشلة وما بتهتم في اي واحد اكيد رح يصيبوا الاحباط والملل والعكس صحيح اذا في قيادة قوية وحكيمة رح الكل يشتغل
وبعدين رفيق ما بظن اي عملية صغيرة او كبيرة بلا مصدر مالي رح تمشي يالي بدو يعمل عملية ما توفر الو كل شي كيف رح يعمل اذا هو في الاصل ما بملك شي كيف رح يعملها كيف رح يطوروا صواريخهم كيف رح يشتغلوا بلا مصدر مالي وانت بتعرف كل شي بالمال بنشرى صحيح عندهم انتماء قوي ومتين بس بلا قيادة حكيمة وبلا مصدر مالي يمول كل شي ما بظن رح يقدروا يشتغلوا بالشكل المطلوب وعندك رفاقنا في مخيم العين لو في مصدر مالي قوي وفيادة قوية رح يفجروا الدنيا وما بنتظروا من اي فصيل ثاني يمولهم اي شي وبتوقع وصلتك الفكرة انا مثلك بتمنى انها الجبهة ترجع لعهدها الاول وبتوقع اذا بدها ترجع لازم يكون في تغير كثير واكيد اول شي في القيادة
تحياتي رفيق وكل واحد ألو رأي