حابب احكي معكم عن شخصية جذبتني بشكل مش طبيعي بعيد عن اللغة الحلوة والاسلوب المتعدد. يعني حابب احكي بلغتي العامية مثل ما هي .
غسان كنفاني انسان رائع الى ابعد الحدود قرات بعض اعمالة الادبية وحسيت انو بالفعل كان يكتب للناس المظلومين او بالاحرى لل99بالمية من الناس <للبسطاء > .مش رايح ادخل بتفاصيل حياته بس رايح اتكلم عن كتابين بعكسن صورته بشكل مليح .
الاول :رسائله لغادة السمان . بذكر اخوي مرة انتقده لعلاقته بغادة .بس صدقوني بعد ما قرات رسائلو لغادة و جدت انو جميعنا بنحب بس لانا عايشين بمجتمع كذاب اتحولنا لناس كذابين او لناس نتقن فن الاحتيال على الذات . وجريمة غسان الوحيدة انو صادق بمجتمع كذاب .
الي بيدل انو غسان كان صادق : قال لغادة تنشر رسائله لها بعد وفاته لانه كان بدو يكون بطل حقيقي مش اسطوري .يعني بطل بيحب.. بمرض ...بزعل (انسان عادي بس مش خاين ).
الثاني: كتاب اطفال كنفاني .
جميع ابطال هذا الكتاب اطفال بمتازوا ببساطة جريئة و هم من الطبقة الاكبر من مجتمعنا .....
بغض النظر عن محتوى كل قصة هن موجهات للجيل القادم الي كان كنفاني منتظر منو شيء .
بذكر انو في قصة من هذول القصص كان الطفل دايما يعقب حكيه ب:وانت لن تفهم ..... كان ذلك زمن الاشتباك ...
يعني كيف بدك تفهم شعور الام الي استشهد ابنها . او الي ابنها بيموت من الجوع وانت من طبقة معفنة ... كيف ..؟؟؟؟؟
سلام
الخميس يناير 03, 2008 7:44 pm
